Hornjoserbski frazeologiski słownik w interneće

Hornjoserbski frazeologiski słownik w interneće je móžnosć wužiwanja datoweje banki hornjoserbskich frazeologizmow, kotraž bě zakład za wudaće Hornjoserbskeho frazeologiskeho słownika w ćišću: Ivčenko, Anatolij; Wölke, Sonja: Hornjoserbski frazeologiski słownik / Obersorbisches phraseologisches Wörterbuch / Верхнелужицкий фразеологический словарь, Budyšin: Ludowe nakładnistwo Domowina, 2004, 572 S.
Zestajerka a hladarka datoweje banki je dr. Sonja Wölkowa (Serbski institut)

pytanje po spočatnikach

na šiju hić ‹běhać› {někomu} [něchtó někomu na šiju dźe ‹běha›]
`někoho wobćežować, šarować´ | `jemanden bedrängen, belästigen´ jemandem auf den Pelz rücken; jemandem die Bude ‹das Haus› einrennen

Wörterbuchbelege

na šiju běhać komu (NHS 1, 312)

přikłady z literatury

Hród wobstupić a jón z mocu wzać spytać dyrbješe tež njezbožownje za ratarja wupadnyć, přetož wěsće by Krakowič, widźiwši, zo jemu wote wšěch stronow chětrje na šiju du, tež Hawkej kulku do wutroby pósłał. (Ćišinski, ZSĆ 6, 60) Ludźo powědachu sebi: Jednomu bě so zezdało, druhi bě něšto zwonić słyšał, třeći tukaše, ale wěsće prajić njewědźeše, čehodla; nichtó njeznaje wěstosće, zo by so korčmarjej na šiju hić móhło. (Radlubin, Kwasarjo 188)

wróćo